འབུམ་རམས་སྨན་པ། ཕྱོགས་བསྡུས་ཚན་ཁག་གི་ཆེད་མཁས་པ།མཚོ་སྔོན་ཞིང་ཆེན་བོད་སྨན་ཁང་གི་ཡོན་ཀྲང༌། མཚོ་སྔོན་ཞིང་ཆེན་བོད་ལུགས་གསོ་རིག་སློབ་ཚོགས་ཀྱི་ལུས་ཧྲི་གཞོན་པ། མཚོ་སྔོན་ཞིང་ཆེན་སྲིད་འཛིན་ཨུ་ཡོན་སོགས་ཀྱི་འགན་བཞེས་ཡོད། གསོ་བཅོས་ལག་ལེན་གྱི་བྱ་བ་གཉེར་ནས་ལོ་ངོ་༦༠ལྷག་འགོར་ཞིང༌། གཞུང་ལུགས་ཀྱི་ཤེས་བྱ་དང་ནད་ཐོག་ལག་ལེན་གྱི་ཉམས་མྱོང་ཕུན་སུམ་ཚོགས་པར་ལྡན་ལ་ཁྱད་པར་དུ་ཀླད་སྙིང་དང་དབང་རྩའི་ནད་རིགས། འཇུ་བྱེད་མ་ལག་དང་མཆིན་མཁྲིས་ཀྱི་ནད་རིགས་བཅས་ཁོང་ནད་སྣ་ཚོགས་ལ་ཐུན་མོང་མ་ཡིན་པའི་གསོ་ཐབས་ཡོད་པ་དང་གཞན་སྨན་གྱི་སྦྱོར་སྡེ་དང་སྨན་རྫས་ཀྱི་དུག་འདོན་སོགས་ལ་བྱང་ཆུབ་པར་ཡོད། སྔ་གཞུག་ཏུ་འབྲེལ་ཡོད་ཀྱི་དཔེ་ཆ་དང་དཔྱད་རྩོམ་སོགས་མི་ཉུང་བ་ཞིག་སྤེལ་ལ་འབྲས་བུ་གཟེངས་སུ་ཐོན་པར་ཡོད།
སྒོ་བསྟེན་གསལ་བའི་དུས་ཚོད་གཟའ་ཟླ་བ་དང་གཟའ་ལྷག་པ། གཟའ་པ་སངས་བཅས་ཡིན།
