དངོས་གཞི་སློབ་མའི་ཐོབ་ཐང༌། འབུམ་རམས་སྨན་པ། ཕྱོགས་བསྡུས་ཚན་ཁག་གི་ཆེད་མཁས་པ།མཚོ་སྔོན་ཞིང་ཆེན་བོད་སྨན་ཁང་གི་ཡོན་ཀྲང་གཞོན་པ། ཀྲུང་གོ་སྨན་རྫས་སྲུང་སྐྱོབ་ཨུ་ཡོན་ཚོགས་པའི་ཨུ་ཡོན། ཀྲུང་གོའི་ཀྲུང་ལུགས་གསོ་རིག་གི་ཆ་འཕྲིན་ཞིབ་འཇུག་ཚོགས་པའི་ལུས་ཧྲི། མཚོ་སྔོན་ཞིང་ཆེན་བོད་ལུགས་གསོ་རིག་སློབ་ཚོགས་ཀྱི་ལུས་ཧྲི་ཀྲང་གཞོན་པ་སོགས་ཀྱི་འགན་བཞེས་ཡོད། པེ་ཅིན་ཀྲུང་ལུགས་གསོ་རིག་སློབ་གྲྭ་ཆེན་མོ་ནས་མཐར་ཕྱིན་ཏེ་གསོ་བཅོས་ལག་ལེན་གྱི་བྱ་བ་གཉེར་ནས་ལོ་ངོ་༤༠ལྷག་འདས་ལ་བོད་ལུགས་གསོ་རིག་དང་སོག་ལུགས་གསོ་རིག དེང་རབས་གསོ་རིག ཀྲུང་ལུགས་གསོ་རིག་བཅས་ངེས་པ་དང་གཙོ་བོ་ཀླད་སྙིང་དང་ དབང་རྩའི་ནད་རིགས། ཁོང་ནད་ཀྱི་རིགས་དང་མོ་ནད་སོགས་ཀྱི་གསོ་བཅོས་ཐད་གཞུང་ལུགས་དང་ལག་ལེན་ཟུང་དུ་སྦྲགས་ནས་ཉམས་མྱོང་ཕུན་སུམ་ཚོགས་པར་ལྡན། སྔ་གཞུག་ཏུ་འབྲེལ་ཡོད་ཀྱི་དཔྱད་རྩོམ་མང་པོ་སྤེལ་ཡོད་ལ་འབྲས་བུ་འང་མི་དམན་པ་ཐོབ་ཡོད།
སྒོ་བསྟེན་གསལ་བའི་དུས་ཚོད: གཟའ་ཟླ་བ་ནས་གཟའ་སྤེན་པ།
