ཕག་ཁྲག་དུག་དང་སྨུག་པོ་བྱེར་བ་སྡུད།། གླང་དང་བ་སེར་ཁྲག་ཀྱང་དུག་བྱེར་སྡུད།། གཡག་རྒོད་མཛོ་ཡི་ཁོང་ཁྲག་བོང་མཇུག་ཁྲག། ར་རྒྱ་ཁྱི་སེར་སྣ་ཁྲག་རྨ་ལ་ཕན།། ཕག་ནག་སྣ་ཁྲག་ར་རོག་གཉའ་ཁྲག་གིས།། ཡན་ལག་ཚིགས་ཀྱི་ཆུ་སེར་སྡོམ་པར་བྱེད།། ཤ་བའི་ཁྲག་གིས་སྲིན་གསོད་ཟླ་མཚན་གཅོད།། བྱ་ཕོའི་ཟེ་ཁྲག་ཤ་གསོ་ལྷ་བ་འཛིན།། པདྨའི་རྡུལ་འབེབས་ཨོག་ཞོལ་ཁྲག་གིས་བསྡམས།། མཚན་ལྡན་པད་རཀ་དང་པོས་གདོན་མཚོན་སྲུང༌།། ནད་མེད་པར་རཀ་རྒྱུ་གཟེར་ཁྲག་བཤལ་གསོ།། རྩ་སྡོམ་རྨ་གསོ་ཤའུ་སྐྱེད་པར་བྱེད།། བོང་ཁྲག་གྲུམ་བུ་ཚིགས་ཀྱི་ཆུ་སེར་སེལ།། ར་ཡི་ཁྲག་གིས་རེག་དུག་འབྲུམ་ནག་སེལ།། གཙོད་དང་གཡག་རྒོད་ཁྲག་གིས་འཁྲུ་བ་གཅོད།། མི་ཁྱིས་མཛེ་འཇོམས་བྱ་རོག་སྟེང་གདོན་སྲུང༌།། གཟུགས་མོའི་ཁྲག་གིས་སྨིན་མ་བྱི་བ་སྐྱེ།། གནའ་བའི་ཁྲག་གིས་ཆང་ནད་སྲུང་བར་བྱེད།། གླང་དམར་ཐུག་པོའི་གསོན་ཁྲག་དྲོན་མོ་ཡིས།། དུག་ནད་རྩ་ཡི་འབྲོས་འཕྲང་སྡོམ་བར་བྱེད།། རྟ་ཕོ་གྲུག་ཕྲོམ་རྐན་ཁྲག་རྨ་ལ་ཕན།། སྣ་ཁྲག་རང་ལོག་ཁྲག་གཅོད་རྩ་སྒོ་སྡོམ།།

པར་འདེབས་པ། | ངོས་བསུམ་པ།